Allt efni sem birtist á Rithringur.is, hvort sem það eru sögur, leikrit eða greinar, er verndað af alþjóðlegum lögum um höfundarrétt.
Einungis skráðir notendur mega lesa efni annarra notenda.
Óheimilt er að láta öðrum í té notandanafn sitt og aðgangsorð.
Óheimilt er að senda inn efni frá öðrum en sjálfum sér. Ef um þýtt efni er að ræða skal nafn höfundar koma skýrt fram, svo og að þýðandi hafi leyfi hans.
Allt efni sem sent er inn af höfundum er þar á þeirra eigin ábyrgð.
Á spjallsíðu Rithringsins leyfast ekki persónulegar árásir, klúryrði eða annað í þeim dúr (sjá háttvísisreglur)
Umsjónarmenn Rithringsins áskilja sér rétt til að endurskoða aðgang notanda ef hann gerist brotlegur við reglur þessar.
IP tölur eru skráðar sem og upplýsingar um hvaða sögur notendur hafa lesið. Rithringur.is áskilur sér rétt til að nota þessar upplýsingar ef ritstuldarmál koma upp.
Rithringurinn mun setja lás á sögur sem innihalda erótískt efni svo að notendur undir 18 ára aldri geti ekki nálgast þær. Rithringurinn áskilur sér ennfremur rétt til að hafna innsendum sögum ef þær innihalda það sem stjórnendur telja gróft klámfengið efni.
Ekki er hægt að láta fjarlægja umsagnir sem notandi hefur sent inn. Hins vegar er hægt að fela þær fyrir öðrum en höfundi sögunnar sem umsögnina fékk.
Umsjónarmönnum ber ekki skylda til að fjarlægja eða breyta umsögnum og skilaboðum að beiðni meðlima.
Háttvísisreglur
Vertu vinsamleg(ur) Mundu að aðgát skal höfð í nærveru sálar.
Hvatt er til líflegrar umræðu á Rithringnum en Rithringurinn ber ekki ábyrgð á einstaka skilaboðum, rýnum eða innihaldi þeirra. Við áskiljum okkur rétt til að eyða, færa og laga skilaboð sem eru meiðandi, niðurlægjandi, særandi, gróf, særa almenna blygðunarkennd, sem brjóta lög um höfundarrétt eða eru á annan hátt óásættanleg. Stjórnendur leggja mat á hvaða orð/setningar brjóta þessar reglur.
Vinsamlega virðið skoðanir annarra. Ef þú ert ósammála einhverjum þá er þér að sjálfsögðu frjálst að tjá skoðun þína en gerðu það á málefnalegan og kurteisan hátt. Athugasemdir eins og: „Ég hef rétt fyrir mér en ekki þið” eru því ekki gjaldgengar. Allir eiga rétt á sinni skoðun, sama þótt þér finnist hún heimskuleg. Ef stjórnendur álíta að rökræður hafi snúist upp í rifrildi hafa þeir heimild til þess að læsa þræðinum og skal þeirri umræðu þá lokið.
Auglýsingar eru ekki leyfðar nema með leyfi stjórnenda.
Persónulegar árásir og athugasemdir eiga ekki heima á Rithringnum.
Umræða um rýnir annara skal vera málefnaleg og ekki er heimilt að gera lítið úr annarra manna rýnum. Ræða má efnislegt innihald rýna en ekki gæði einstakra rýna.
Munið að spjallið er hlunnindi, ekki réttur. Við áskiljum okkur því rétt til að taka af fólki heimildina til að taka þátt í spjallinu ef hegðun þess er utan þessara marka eða takmarka aðgang að Rithringnum öllum ef ástæða þykir til.
Þursar (trolls) þ.e.a.s. þeir sem slæðast eftir illindum og reyna að koma af stað rifrildum eru ekki umbornir. Stjórnendur leggja mat á hvort notandi teljist þurs.
Öll umræða um einstakar sögur eða umsagnir er bönnuð nema á þeim þráðum sem eru tileinkaðir þeim á korkinum "Eldri sögur í biðröð". Ef það er ekki þráður tileinkaður sögu þar má ekki ræða hana á spjallinu.
Stjórnendur áskilja sér rétt til að færa umræðu milli þráða og korka ef þeir telja að hún samrýmist ekki þeirri umræðu sem á sér stað í þræðinum.
Ákvarðanir stjórnenda skulu ekki dregnar í efa á spjallinu. Spurningar og athugasemdir skulu sendar stjórnendum.
Notendur skulu virða þá ákvörðun sumra meðlima að koma fram undir dulnefni og ekki krefja þá um persónuupplýsingar. Þeim sem þekkja raunverulegt nafn viðkomandi er því ekki leyfilegt að gefa öðrum þær upplýsingar eða segja frá þeim á spjallinu.
Við reglubrot: a) Umsjónarmenn senda viðkomandi viðvörun. b) Viðkomandi missir spjallréttindi í 2 vikur. c) Viðkomandi missir spjallréttindi endanlega. d) Viðkomandi er gerður brottrækur af Rithringnum. Stjórnendur áskilja sér rétt til að beita hvaða viðurlögum a-d sem þeir telja réttmæt m.v. eðli brotsins en almenna reglan er 1. brot: a), 2. brot: b) o.s.frv.
